Rumonge : Abantu 35 bahagaritswe bariko bagerageza kujabuka muri Kongo

Amakuru ava mu ntara ya Rumonge, amenyesha ko abo bahagaritswe bagizwe n’abagabo 5, abagore 6, imisore 2 n’abana 22, bose bava muri zone Kizuka, komine n’intara ya Rumonge.

Mu giporisi mu ntara ya Rumonge bamenyesha ko abo bantu bafashwe bemeza ko bagomba bajabuke mu gihugu ca Republika iharanira Intwaro Rusangi ya Kongo kurondera akazi ko mu mirima.

Bari kumwe n’uwo bari bashikiyeko ku murwa mukuru w’intara ya Rumonge, bose bari ku biro vya komine Rumonge kugira amatohoza akorwe, kandi hamenyekana eimvo nyakuri yari itumye bava mu Burundi.