IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > u Burundi > Ishirahamwe AJAP ryibutsa urwaruka kudahendeshwa amaronko

Ishirahamwe AJAP ryibutsa urwaruka kudahendeshwa amaronko

samedi 18 Ndamukiza 2015, par Egide N

Ishirahamwe AJAP (Association pour une Jeunesse Africaine Progressiste) rirababajwe n’abanyeporitike b’abarundi, aho gushira inguvu hamwe mu kubumbatira amahoro n’umutekano, bacanamwo mu gushira imbere urwaruka mu myiyerekano.

Mw’itangazo iryo shirahamwe ryasohoye kuri uwu wa gatanu, basaba abarundi bose kuja hamwe bagatahura kumwe ico amategeko avuga na cane cane ibwirizwa nshingiro, amasezerano y’i Arusha, hamwe n’itegeko rigenga amatora. Iryo shirahamwe rihamagarira abantu bose kwamirira kure ikibi kitarashika.

JPEG - 14.1 ko
Eric Nsengimana, umukuru w’ishirahamwe AJAP

Muri iryo shirahamwe basaba urwaruka kudahendeshwa amaronko, rukibuka barukoresheje nabi, ari kazoza karwo kaba kononekaye. Abanyeporitike bahamagarirwa gukunda urwaruka mu kutarushira imbere mu gihe c’imyiyerekano, imigumuko, n’akajagari.

Abarongoye imigambwe bahamagarirwa guhiganwa mu mutekano n’ukudafata uwo bahiganwa nk’umwansi, kuko ubudasa bw’abantu aribwo bwiza bw’igihugu.
Abajejwe umutekano basabwa kutagira aho bahengamiye muri poritike, bakure ibirwanisho vyoba biri mu banyagihugu batabifitiye uburenganzira.

Nk’uko iryo tangazo ry’ishirahamwe AJAP (Association pour une Jeunesse Africaine Progressiste) ribivuga, kugira ntihagaruke indyane mu gihugu, umurwi CENI utegura amatora uhamagarirwa gutunganya amatora abereye ku mugaragaro, ata gukumira, kandi ahumuriza bose.

Abanyagihugu bagasabwa kudasamazwa n’abanyeporitike barajwe ishinga n’inyungu zabo, bongere bashire ahabona ico cose gishobora guhungabanya umutekano wabo.


Egide Nduwimana

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.