Accueil > Amakuru > ishirahamwe > ONU: Inama nkuru y’umutekano yasavye kwongereza ikiringo n’abasirikare ba (...)
ONU: Inama nkuru y’umutekano yasavye kwongereza ikiringo n’abasirikare ba AMISOM
mercredi 29 Mukakaro 2015
Inama nkuru y’umutekano mw’ishirahamwe mpuzamakungu ONU ujejwe amahoro n’umutekano usaba ko ikiringo c’abasirikare b’ishirahamwe ry’Ubumwe bwa Afrika AMISOM cokwongerezwa,hakongerezwa kandi igitigiri c’abasirikare.
Inama nkuru y’umutekano mw’ishirahamwe mpuzamakungu ONU ivuga ko ikiringo cokwunguruzwa gushika kw’igenekerezo rya 30 Rusama 2016,abasirikare nabo bakongerezwa gushika ku basirikare 22 126.
Inama nkuru y’umutakano iha ububasha urwego AMISOM gufata ingingo zose zishoboka,hubahirijwe agateka ka zina muntu,kandi hubashwe ubwigenge bw’igihugu,mu gufasha igisirikare ca Somaliya kurwanya abarwanyi ba Al-Shabaab babandanya gutera abanyagihugu.
Inama nkuru y’umutekano isaba ishirahamwe ry’Ubumwe bwa Afrika gufasha AMISOM gushika ku bikorwa vyiza,na cane cane mu gukomeza inzego ziyoboye AMISOM no gushiraho urwego rudasanzwe rwa gisirikare.
Mwomenya ko igihugu c’Uburundi,Ubuganda,Kenya,Ethiopiya na Djibouti,arivyo bihugu bitanga abasirikare baja kugarukana amahoro mu rwego rwa AMISOM.
Van Naris Mugisha
Messages
29 Mukakaro 2015, 16:23, par LOLILO PNB
nivyiza ariko muraraba umutekano kukenewe nahandihose,mubihugu vyatanze abo basirikare kuko ntitwemeye kobaguma bicigwa mwicogihugu cosomariya, mukor ibishoboka vyose ntidusubire kubura abandi basirikare
30 Mukakaro 2015, 07:36, par Capable
Vyari Vyiza Cane,ariko, Muraraba Neza Ntimuzohave Mukunda Abandi Ngo Mwiyibagire,!
30 Mukakaro 2015, 09:41, par Louise
Ego Nivyiza Ariko Boraba Ibindi Bihugu Bitararungikayo Abasirikare Bikaba Arivyo Bibarungika Kugirango Ibihugu Vyamaze Kubarungika Ntibisigare Mugihengeri C’umutekano.
30 Mukakaro 2015, 16:55, par NDAYIZIGA
Numva Ibihugu Vyafasha Kwigisha Abasirikare Buburundi Bari Bakwiye Kubandaniriza Aho Bari Bageze,uburundi Hamwe Bwovamwo Muri Amsom Ntamahoro Akwiye Somalie Yozopfa Ironse.
30 Mukakaro 2015, 22:04, par omar
wewe lolilo uvugango bararabe neza ngo ntibajeyo ngo ino naho sisawa ahubwo reta nuko iguma iha ama faveur aba soda gusa ikibagira aba polisi mbe bobo ntibahoze mugisoda? ahubwo reta nibipange natwe tujeyo guca amafaranga nayo ivyogupfa akazi nakazi
31 Mukakaro 2015, 18:32, par Ndajorewe
Nibagende abava mumpande zose, mugisoda no mugipolisi. Ntamwana n’ikinono
25 Kigarama 2015, 19:57, par INNCENT
NABAGWIZE BABE BESHI MAHO BISA NUKO BAGWANA IYITAZOHERA