Ubuhanga bwafatiwe ku mutariyano Guissepe buva mu gihugu ca Congo

Uduhanga twatowe kuri wa mutariyano Guissepe Favaro, mu cegeranyo kiva mu baganga bamenyesha ko ari uduhanga bw’abantu bakuze. Uwo mutariayano Guiseppe Favaro avuga ko ubwo buhanga yabugurira umukongomani yitwa Mutoka Kisasa, akaba yamugurira agahanga kamwe amafranga ibihumbi 50 vy’amarundi, uwo mutariyano nawe, Guiseppe Favaro agaca abugurisha amadorari y’abanyamerika 300 kuri kamwe.

Mu gihe ubuhanga 38 bundi aribwo bwafashwe n’igiporisi ku rugo rw’uwo mutariyano Giuseppe Favaro aheruka kwagirizwa kurungika uduhanga tubiri, hamwe n’uwundi muzigo w’agahanga kamwe wagarukiye mu gihugu c’Ubushinwa, hakaba hamaze kumenyekana umukongomani azwi kw’izina rya Mutoka ko ariwe yoba ari mubo bakorana n’uwo mutariyano muri urwo rudandazwa. Uwo mutariyano amenyesha ko ubwo buhanga abugurira kuri uwo mukongomani.

Giuseppe Favaro, umutariyano yafatanywe uduhanga tw’abantu

Télesphore Bigirimana, umuvugizi w’ibiro bikuru vy’igendereza amenyesha ko ibihugu yoba ashoramwo ubwo buhanga bitaramenyekana, kiretse kamwe muri ubwo buhanga kafatiwe mu gihugu c’Ubushinwa. Ku bijanye n’ukumenya namba ubwo buhanga bwoba ari ubwazuwe canke bwoba ari ubw’abantu bishwe, umuvugizi w’ibiro bikuru vy’igendereza yishura ko amatohoza akibandanya. Amatohoza abandanya kandi kugira bamenye namba utwo duhanga tugurishwa n’umukongomani Mutoka ari utw’abarundi canke abakongomani.