Accueil > Amakuru > umutekano > Zimwe mu Mbonerakure nazo mu myiyerekano yo kwiyamiriza ikiringo ca (...)
Zimwe mu Mbonerakure nazo mu myiyerekano yo kwiyamiriza ikiringo ca gatatu
mercredi 13 Rusama 2015
Muri komine ya Kanyosha, imyiyerekano yo kwiyamiriza ikiringo ca gatatu ca Petero Nkurunziza yitabiriwe na bamwe mu rwaruka rw’Imbonerakure za CNDD FDD nk’uko umwe yabitwiganiye.
Muri iyo myiyerekano yitabiriwe n’urwaruka, abagore n’abagabo bo muri iyo komine, bazindutse kuva igihe c’isaha imwe y’igitondo, amafirimbi avuga, abandi nabo bariko bavyura umuhana ku muhana. Muri iyo komine rero bamwe mu rwaruka rw’Imbonerakure za CNDD FDD bitabiriye iyo myiyerekano, bavuze ko mukuza binyegeza bagenzi babo, kuko batinya ko bogirirwa nabi.
Bamenyesha ko bipfuza kumva umukuru w’igihugu yarekeye abandi bagumyabanga bo muri uyo mugambwe babishoboye, bakiyamamariza ikibanza c’umukuru w’igihugu. Abo banyagihugu bo muri komine ya Kanyosha, bagerageje gushaka kwinjira hagati mw’ibarabara rija mu Rumonge, ariko Imbonerakure zishigikiye Petero Nkurunziza hamwe n’abaporisi baca baratangira, abari mu myiyerekano, baca baja ku Musaga kwakira abandi bari bavuye mu makomine amwe amwe y’intara ya Bujumbura Rural, bari baje mu myiyerekano mu gisagara ca Bujumbura.
Tukabamenyesha ko muri iyo myiyerekano, abaporisi bari kumwe n’abasirikare bari bacungereye ikiraro ca Kanyosha kigabura Musaga na Kanyosha, bacungereye umutekano w’abari mu myiyerekano, mu kuzibira utuyira twose twinjira mw’ibarabara rikuru, kugira ntihagire uwohava abahungabanya umutekano w’abagira imyiyerekano. Abariko biyamiriza ico kiringo, tukaba twabonye ko bagerageje kwubahiriza ibintu vy’abandi, aha tukavuga nko mw’isoko, aho bahaciye ntibibe ikintu na kimwe, eka n’ingoro ya CNDD FDD yo mu Kanyosha, abari bayicungereye ntibakomwakomwe, naho twabonye ibiyo vyayo vyamaze kumenagurwa.
Aristide Nizigire
Messages
13 Rusama 2015, 11:40, par DUSABIRWE Léo
Turashimiy Izombonerakur Zitavy Akamo Ko Kwiyamiriza Ikiringo Cagatatu Ca Peter. Nizindi Mbonerakura Nizumve Zirek Gukwirikira Ibitajany N’amategeko.
13 Rusama 2015, 11:52, par VITAL
NIBAREKE GUTUKISHA IMBONERAKURE ZIRI KUMURONGO ABO NABACANGERO
13 Rusama 2015, 14:21, par Kirinyota
Mbe sha Vital ubu naho uca uvuga iki?
13 Rusama 2015, 17:28, par Protonement
Nivyo Najendabashigikiye Iyo Uwawe Ariko Akoranabi Ugahanura Akanka Uramuva Inyuma ,ahubwo Nibamuhagurukire Rwose Nihoyobona Ko Ikiraje Ishinga Abarundi Atari Imigambwe Canke Amoko ,ahubwo Bipfuza Amahoro.Imana Ihezagire Uburundi "
13 Rusama 2015, 17:38, par Prolifan
Izo Mbonerakure Ahubwo Zikwiye Kumvisha Zigenzi Zazo Zikiri Inyuma Ya Nkurunziza Kozahenzwe Ahubwo Ko Bofasha Abandi Muguharanira Amahoro ,kuko Kunyerera Sibibi Ariko Kunyerera Ntuvyuke Nibibi Caaane Bame Bibuko Yuko Imbere Y,imanga Hari Imana, Ntaho Inabi Yigeze Itsinda Ineza @
14 Rusama 2015, 15:54, par YMCMB
Ico ni igikorwa ciza cane
14 Rusama 2015, 19:20, par www.
komuduhenda?eregatwebwentikdukitinyomwarikomuragira.kukubwon’ubuhimbiri.
14 Rusama 2015, 20:45, par Theoneste
Theoneste
15 Rusama 2015, 05:43, par Jean Marie
nibareke kubeshera imbonerakure abo sibo nta mbonerakure yemejwe yokora ako kabi ahubwo izo ninjavyi nibareke mutama nyakubahwa yitwarire igihugu ciwe abajebajeba babe bararaba urya sumwana wo gukindirako guma kwivora mutama wanje
15 Rusama 2015, 13:32, par eric samy
nibarek gutukisha imbonerakure!nibiyite ukundi!!
19 Rusama 2015, 21:50, par Gérard
Imbonerakure Zirwa Mumitego Zitazi Uwayiteze;ariko Ikibabaje Nuko Igihugu Nicatemba Ntibazobona Bamwe Babatuma Kandi Vyerera Igihe Ntivyerera Inzara
5 Ndamukiza 2016, 19:08, par stany
Vyaratubabaje Kubona Nkugwaruka Gwisutse Mumigumuko Bakahasiga Ubuzima Ataco Bakwirikirana ,none Ababaguye,harico Bahaye Imidyango Yabo ?Vyoba Vyiza Twimyd Amatwi Abaduhenda
11 Ruhuhuma 2017, 13:39, par SERGES
NIBAREKE GUTA UMWANYA KUKO PETERO SI NDADAYE.