ABUCO isaba Reta gukurikiranira hafi iduzwa ry’ibiciro

Ishirahamwe ry’abaguzi ABUCO rimenyesha ko kubona ibiciro vy’ibidandazwa vya nkenerwa vyaraduze, ari ingaruka y’itegeko ryemejewe rigenga amafaranga Reta izokoresha mu mwaka wa 2017.

Noel NKURUNZIZA arongoye ishirahamwe ABUCO,amenyesha ko mw’ishirahamwe ABUCO batewe impungenge n’iduzwa ry’amatagisi ritegekanywa n’itegeko rigenga amafaranga Reta izokoresha.

Umukuru w’ishirahamwe ry’abaguzi ABUCO asaba Reta gukurikiranira hafi ingaruka zishobora kuva kuri iryo duzwa ry’ibiciro ,kugira ifate ingingo zikenewe mu maguru masha ibintu bitaraba nabi gusumba.

Noel NKURUNZIZA ahamagarira abadandaza kutikika mu kiza mu kuduza ibiciro ata mvo n’ibitadugijweko amatagisi,agasaba abaguzi kumenyera iyo ibintu bihindutse kw’isoko