Accueil > We n’ibikorwa vyiwe > Aba Scout bo kw’isi yose bibuka ivuka rya Baden-Powell
Aba Scout bo kw’isi yose bibuka ivuka rya Baden-Powell
mercredi 22 Ruhuhuma 2017, par
Igenekerezo rya 22 Ruhuhuma uko umwaka utashe, abo mu muhari w’aba Scout kw’isi baribuka ivuka rya Smith Stephenson Robert Baden Powell azwi cane kw’izina rya Baden Powell, yatanguje umuhari w’aba Scout n’aba guide.
![](local/cache-vignettes/L349xH329/sc-dc6f5.jpg?1517263220)
Lt. Gen. Baden Powell yavutse kw’igenekerezo rya 22 Ruhuhuma 1857 ahitwa Paddington mu gisagara ca Londres mu Bwongereza. Yabaye umusirikare mu ngabo z’ico gihugu kuva mu 1876–1910, akaba yakunda gukorera ubutumwa bwiwe bwa gisirikare mu Buhinde no muri Afrika.
Uretse kuba yari umusirikare, Baden Powell yari n’umwanditsi w’ibitabo bitandukanye bijanye n’uburyo urwaruka rwoharanira amahoro. Yagiye kandi avuga amajambo akomeye ahimiriza abantu gukora ibikorwa vy’urukundo hamwe no guharanira impinduka nziza.
Hari aho yagize ati : “Burya mu buzima, ikintu ca mbere c’agaciro ni ukugeza bagenzi bawe ku munezero canke gushimisha bagenzi bawe.”
![](local/cache-vignettes/L672xH897/bade-2-b30fb.jpg?1550743263)
Baden Powell yarongeye ahimiriza abantu gusiga isi ari nziza kurusha uko bayisanze, kugira igihe bazopfa bazishimire ko batigeze batakaza igihe cabo, ahubwo ko bakoze ivyo bashoboye vyose.
Mw’ikete ryiwe rya nyuma yandikiye Abasukuti (Scout), Baden Powell hari aho yagize ati: “Nagize ubuzima bw’umunezero mwinshi kw’isi, kandi ndipfuriza umwe wese muri mwebwe ko vyomugendera gutyo. Nemera ko Imana yadushize muri iyi si nziza ngo tunezerwe kandi tunezerererwe ubuzima. Umunezero ntuva ku butunzi, guhirwa muvyo ukora canke mu kunyurwa. Intambwe imwe ishikana ku munezero, ni ukuba muzima kandi ufise inguvu."
Baden Powell Yitavye Imana kuwa 8 Nzero 1941 ku myaka 83, aguye i Nyeri muri Kenya, ari naho yashinguwe. Imva yiwe yashizwe mu bibanza bikomeye bigenderwa n’ingenzi.
IGIHE
Messages
6 Ntwarante 2017, 09:03, par eric sinzinkayo
umugabo wa bagabo niyirambire natwe abiwe turinyuma iragi yaduhaye tuzorigendera
22 Nyakanga 2017, 19:40, par Lynx tenas
5 Ntwarante 2018, 15:32, par Nkurunziza
Kabisa Yaradusigiy Iragi Ryiza