Abahagarikizi b’abarundi batatu bazohagarikira muri CECAFA Challenge 2017

Ihiganwa rya CECAFA risanzwe rihuza imirwi yo mukarere ka Afrika y’ubuseruko hamwe n’iyo hagatiri rizohuza imigwi nserukira bihugu igera kuri 10 n’Uburundi burimwo, rizotangura igenekerezo rya 05 kigarama mugihugu ca Kenya. Urutonde rw’abazohagarikira izo nkino rukaba rwarasohotse, igihugu c’Uburundi kikaba kizoserukirwa n’abahagarikizi bagera kuri 3 aribo Gatogato Georges , Hervé Kakunze na Abdul Karim. Mururwo rutonde, abahagarikizi bo hagati bagera kuri 8, n’abo kuruhande nyene bakaba umunani, bakazoshika mugihugu ca Kenya amagenekerezo ya 29 na 30 z’ukwezi kwa Munyonyo.

Twibutseko Uburundi bwashizwe mumugwi B urikumwe n’ibihugu nka Uganda, Zimbabwe, Ethiopiya hamwe na Sudani y’epfo.Ibihugu vya Zimbabwe na Libye bikaba bizoba vyitavye iryo higanwa nkuncuro yavyo yambere.