Abakinyi babiri ba Messager Ngozi bagiye gukina mu gihugu ca Zambiya

Abo bakinyi uko ari babiri bafashe indege kuri uno wa kane igenekerezo rya 3 Myandagaro 2017 bagana igihugu ca Zambia aho bagiye gutangura imyimenyerezo mu murwi wa Zesco United ukina mu cicaro ca mbere.

Enock NSABUMUKAMA yari asanzwe akina hagati mu murwi wa Messager Ngozi, mu gihe Dieudonne NTIBAHEZWA nawe yari umunyezamu w’umurwi.

Umurwi Messager Ngozi abo bakinyi bahora bakinamwo,waheruka kubura amahirwe yo gutahukana igikombe c’umukuru w’igihugu,inyuma yo gutsindwa mu rukino rwa nyuma n’umurwi Olmpique Star wo mu ntara ya Muyinga.