Accueil > Amakuru > Amashuri > Abanyeshure bo muri Kaminuza y’Uburundi bafise amakenga ko ishobora gushirwa (...)
Abanyeshure bo muri Kaminuza y’Uburundi bafise amakenga ko ishobora gushirwa mu minwe y’abigenga
vendredi 10 Ruhuhuma 2017
Abanyeshure bo muri kaminuza y’Uburundi bamenyesha ko bafise amakenga ko kaminuza ishobora gushirwa mu minwe y’abikorera ivyabo, inyuma y’itangazo ryasohwe n’ubuyobozi bujejwe uburaro muri kaminuza risaba ko uwushaka kuba mu bigo vya kaminuza yoriha amafaranga 5000 vy’amarundi.
Abaserukira abanyeshure bavuga ko badatahura iyo ngingo yafashwe n’ubuyobozi bwa kaminuza, kuko mu gihe yoshirwa mu ngiro ishobora gutuma hari aboronka uburenganzira bwo kuba muri kaminuza batabikwiye mu gihe, hari ababifitiye uburenganzira bobura indaro.
Abo baserukira abanyeshure muri kaminuza y’Uburundi bavuga ko bafise amakenga kandi kubona hari n’abanyeshure basaba indaro abasanzwe baba mu bigo vya kaminuza (Maquisards) nabo bazotanga ayo mafaranga.
Abanyeshure muri kaminuza y’Uburundi basaba ko iyo ngingo yosubirwamwo mu ntumbero yo gukorera mu muco.
IGIHE
