Afganistani : Ishuri rya gisirikare ryatewe n’abitwaje ibirwanisho

Amakuru dukesha iradiyo y’abongereza BBC, amenyesha ko amasase n’amabombe yumvikanye kuri iyo shure ya gisirikare, iri I Kabul, ku murwa mukuru wa Afganistani.

Ayo makuru nyene, amenyesha ko ico gitero kije gikurikira icahitanye abantu benshi cane gusumba abapfuye muri iyi myaka iheze, cahitanye abantu barenga 100 ku wa gatandatu.

Ico gitero co ku wa gatandatu cagizwe hakoreshejwe imodoka itwara abarwayi yashizwemo amabombe.

Gushika ubu,abarwanyi b’umurwi wiyitirira Reta ya ki Islam ,Islamic State n’aba Talibani ni bo baguma bagira ibitero mu turere dutandukanye muri ico gihugu ca Afganistani.
Abarwanyi b’abatalibani bavuga ko ari bo bagize ivyo bitero ko ari bibiri.