Afghanistan: Abantu 24 bahitanywe n’igisasu Ku mugwa mukuru Kaboul

Ubushikiranganji bw’intwaro yo hagati mu gihugu muri Afghanistan, bumenyesha ko umwiyahuzi yaturikije ico gisasu mu gace kagwiriyemwo abaisiramu bo mu muryango w’abashiya mu burengero bw’igisagara ca Kaboul.

Amakuru ava aho I Kaboul, amenyesha ko ico gisasu catewe hafi y’urugo rw’umutegetsi wo hejuru ari mu ntwaro ya Afghanistan Mohammad Mohaqiq, ariko gushika ubu akaba ata muntu numwe canke umugwi uriyitirira ico gitero.

Mwomenyako ku mugwa mukuru Kaboul hama hatewe ibisasu n’imigwi y’abagwanyi babataribani hamwe n’umugwi wiyitirira Reta ya Kisiramu,igisasu giheruka guturitswa mu kwezi kwa rusama uyu mwaka wa 2017 cahitanye abantu 90.