Afirika y’Epfo : Abatanzaniya 11 bagirizwa gufata ku nguvu umugore barekuwe

Abo bahungu uko ari 11 bafashwe mu mwaka wa 2015 bagirijwe gufata ku nguvu umugore Thelma Mondowa ava mu gihugu ca Zimbabwe.

Umwe mu bashingwamanza ba Reta yamenyesheje umucamanza ko Thelma Mondowa yafashe ingingo yo gusubira mu gihugu ciwe gushika ubu batazi aho aherereye.

Amakuru dukesha BBC amenyesha ko Thelma MONDOWA yafashwe nabo bahungu avuye ku kazi mw’ibarabara 270 Lilian Ngoyi mu gisagara ca Johannesburg, inyuma yaho umugabo bakorana bari kumwe akubiswe abona gutungwa n’ayo yameze.

Ayo makuru abandanya avuga ko uwo mugabo amaze gutoroka yaciye ahamagara igiporisi kibona kuja kumutabara, mu gihe yariko afatwa ku nguvu n’abo bahungu.