Aime MAGERA:’’ Umuhuza Benjamin Mkapa ariko aratahura ikibazo c’Uburundi’’

Aime MAGERA avugira umugambwe FNL urongowe na Agathon RWASA amenyesha ko ata mvo yotuma uwatumiwe mu biganiro atavyitaba, kuko biboneka ko umuhuza Benjamin Mkapa ariko aratahura ikibazo c’Uburundi .

Aime MAGERA amenyesha ko yisunze abarungikiwe ubutumire bwo kuja mu biganiro bitegekanijwe kuva kw’igenekerezo rya 16 gushika kurya 18 Ruhuhuma 2017,i Arusha mu gihugu ca Tanzaniya,ubwo butumire bwumvikana kandi bwatanzwe neza.

Uwo avugira umugambwe FNL urongowe na Agathon RWASA avuga ko ari intambwe nziza,kandi ko impande zose zatumiwe bigatuma babishatse inyuma y’iminsi itatu y’ibiganiro botaha batahanye amasezerano mu Burundi.

Kubwa Aime MAGERA, ibizokwihwezwa mu biganiro ni ibibazo nyezina, akavuga ko uwutazokwitaba ibiganiro yoba ashaka kuguma ashira igihugu c’Uburundi mu kaga.