Amakarata simu ya Lumitel atangwa nko ku buntu yuzuye uturusho

Bishasha muri Lumitel Burundi.. Gura amakarata simu Bronze, Silver, na Gold uheze wironkere uturusho tungana n’amafaranga uguze iyo karata simu ifatwa nk’iyitanzwe ku buntu. Si ivyo gusa, ikarata simu yose iguzwe iherekezwa n’igabanurwa ry’ibiciro vy’uguhamagara ku munota, ubudasa n’ikarata simu isanzwe igurwa amafaranga amajana atanu y’amarundi. Abaguze izo karata simu nshasha baronswa uturusho ku kwezi ku kwezi.

Ikarata simu « Bronze » igurwa amafaranga ibihumbi bitatu vy’amarundi (3000 Frs), uwuyiguze agahabwa ama inite angana n’ibihumbi bitatu nyene. Umunywanyi ayiguze ahamagara ku mafaranga 145 ku munota, agahabwa akarusho ko ku kwezi ka SMS 50 hamwe na MB 300. Iyo karata simu ifasha umunywanyi kuronka ku buntu Mobiletv.bi na keeng.bi ku bakunzi b’indirimbo z’ubwoko bwose.

Ikarata simu "Silver" igurishwa amafaranga ibihumbi bitanu (5000 Frs Bu), ikaba irimwo ama inite angana n’ibihumbi bitanu nyene. Uwuyikoresha mu guhamagara ariha amafaranga 117 ku munota, hamwe n’akandi karusho ka SMS 100 hamwe na MB 600 ku kwezi.

Ikarata simu Gold nayo igurwa amafaranga ibihumbi cumi (10000Frs Bu), ikaba irimwo ama inite agera ku bihumbi cumi nyene. Mu guhamagara, umunywanyi ayikoresheje ariha amafaranga 114 ku munota, agahabwa ku kwezi akarusho ka SMS 300 na GB 1,5.

Mwomenya ko amakarata simu ya Silver na Gold atanga uburenganzira bw’ukuronka ku buntu mobiletv.bi, keeng.bi, Akadiho hamwe na MCA.

Banywanyi ba Lumitel, ayo makarata simu ariho mu mazu yose y’ubudandaji ya Lumitel.