Amerika : Umugore n’umugabo bafatanywe abantu 13 bapfungiwe mu nzu yabo

Amakuru dukesha iradiyo y’abongereza BBC amenyesha ko, David Allen Turpin w’imyaka 57 na Louise Anna Turpin w’imyaka 49, bahagaritswe inyuma y’aho igipolisi gisangiye abantu 13 bapfungiwe mu nzu yabo.

Ayo makuru ya BBC amenyesha, ko muri abo bari mu nzu ya David Allen Turpin na Louise Anna Turpin harimwo ababoheye ku bitanda vyabo n’iminyororo.

Uko ari 13 bari baboheye muri iyo nzu iri ku birometero 95 mu bumanuko bw’igisagara ca Los Angeles,bafise imyaka iri hagati y’imyaka 2 na 29.

Bivugwa ko abategetsi babonye ivyo bintu ku munsi w’Imana igihe umwe muri abo bantu yashobora gutoroka aca ahamagara kuri terefone yo gutabaza, akoresheje terefone asanze muri iyo nzu.