Angola :Joao Lourenco yimitswe mu mabanga y’umukuru w’igihugu

Joao Lourenco yatsindiye kuba umukuru w’igihugu aserukiye umugambwe wa MPLA warusanzwe urongowe na Jose Eduard Dos Santos yaramaze imyaka 38 atwara ico gihugu.

Amakuru ava mu bakwirikirana hafi poritike yo mu gihugu ca Angola avuga ko Dos Santos azogumana ububasha bunini mu mugambwe wiwe aho azoshobora no kugena umukuruw w igisata c’igiporisi hamwe n’umukuru w’intwaramiheto w’ico gihugu.

Bimwe mu bidashimwa na benshi aho muri Angola nuko Dos Santos yashize abana biwe mu bisata bikomakomeye vy’igihugu vyinziza ubutunzi harimwo umukobwa wiwe asanzwe ari uwambere atunze ku rwego rwa Afirika Isabelle Dos Santos.

Mwomenya ko umugambwe MPLA watanguye gutwara ico gihugu kuva uronse intahe yo kwikukira mu mwaka w’i 1975.