Australia : Bamwe mu banonotsi bava mu Buganda n’Urwanda baburiwe irengero

Amakuru dukesha urubuga rw’iradiyo y’abongereza BBC, amenyesha ko abatunganije iryo higanwa bavuga ko harimwo abava mu gihugu c’Urwanda n’Ubuganda, kandi ko batanguye kubarondera.

Bamwe mu banonotsi baburiwe irengero

Ayo makuru amenyesha kandi ko abanonotsi umunani bava mu gihugu ca Cameroun , hamwe n’abandi babiri bava muri Sierra Leone nabo baburiwe irengero, ariko bariko barabarondera.

Ntibibaye irya mbere aho abakinyi bitavye iryo higanwa bagenda bakaburirwa irengero, kuko mu mwaka wa 2000, mu nkino zo kunonora imitsi zabereye mu gisagara ca Sydney, abanonotsi barenga 100 bararengeje ikiringo bari barekuriwe co kuba mu gihugu ca Australiya.