Bujumbura: Amadorare 13200 ya magendu yafashwe n’igipolisi

Igipolisi c’Uburundi kimenyesha ko cafashe amafaranga ya magendu angana n’ibihumbi cumi na bitatu n’amajana abiri (13200) vy’amadorare y’abanyamerika .

Abicishije ku rubuga rwiwe rwa Twitter, Pierre Nkurikiye avugira ubushikiranganji bw’umutekano, amenyesha ko ayo mafaranga yafatanywe umuntu azwi kw’izina rya Mugisha Desire,mu gatondo ko kuri uno wa kane igenekerezo rya 29 Kigarama 2016.

Mugisha Desire yafatanywe ayo mafaranga ya magendu, yafatiwe mu Gasekebuye mu bumanuko bushira ubuseruko bw’igisagara ca Bujumbura,muri Komine Muha.