Bujumbura:Umukozi w’igisagara yakuwe mu kazi yagirizwa gucafuza izina ry’umutegetsi

Ku rwandiko ruranga kandi rukerekana ko igitungwa cakingiwe rwatanzwe n’umuganga w’ibitungwa wa Reta, Jackson TUYISABE yacandagishije imbwa atunze, ayise izina ry’uwahoze arongoye igisagara ca Bujumbura.

Ivyo vyatumye umukuru w’igisagara ca Bujumbura Freddy MBONIMPA asohora urwandiko, rumenyesha Jackson TUYISABE ko ahagaritswe mu kazi yahora akorera mu buyobozi bw’igisagara ca Bujumbura.

Inyuma yo guhagarikwa mu kazi, umukuru w’igisagara ca Bujumbura Freddy MBONIMPA yandikiye uwutwara igiporisi c’inyamiramabi amusaba gushira mu butungane Jackson TUYISABE amwagiriza icaha co guhohotera izina ry’umutegetsi .