Burkina Faso : Abasirikare batanu baguye mu gitero cakozwe ku murwa mukuru

Amakuru dukesha urubuga rw’iradiyo y’abafaransa RFI, amenyesha ko amasase yatanguye kwumvikana igihe c’isaha zine z’igitondo, mu karere gakoreramwo ubuserukizi bw’igihugu c’Ubufaransa i Ouagadougou.

Ayo makuru nyene amenyesha ko abakoze ico gitero bururtse imodoka baca batangura kurasa abarengana, imbere y’uko babandanya ahakorera ubuserukizi bw’igihugu c’Ubufaransa,ariko bacururuka imodoka, boba bururutse bavuga ngo : Allah Akbar.

Gushika isaha zitandatu z’umutaga, mu masaha y’i Ouagadougou amasase yari acumvikana mu gisagara, gushika mbere hafi y’ahakorera ibiro bikuru vya gisirikare, naho nyene ikibanza cegereye ahakorera ubuserukizi bw’Ubufaransa hari hakikujwe n’abasirikare n’abaporisi.

Abegereye umushikiranganji w’imigenderanire y’Ubufaransa n’ayandi makungu, bavuze ko ibintu biriko birakurikiranwa, kandi ko birikobirasubira mu buryo, haba ahakorera ubuserukizi bw’Ubufaransa canke ikigo c’abaransa i Ouagadougou.