Accueil > Inkino > Amahiganwa > CAF : Umurwi Olympic Star w’i Muyinga wanganije n’umurwi El Hilal (...)
CAF : Umurwi Olympic Star w’i Muyinga wanganije n’umurwi El Hilal Obeid
mercredi 7 mars 2018
Urukino rwatanguye igihe c’isaha icenda, imirwi yose yerekana ko ikeneye intsinzi, ariko yose inanirwa gutsinda igitsindo.
Mu gice ca mbere c’urukino, abakinyi ba Olympic Star n’aba El Hilal Obeid bagerageje gusatira ariko ntibashobora kuronka igitsindo, ico gice ca mbere c’urukino gica kirangira ri ubusa ku bundi.
No mu gice ca kabiri imirwi yose yabandanije kwerekana inguvu zo kurondera ibitsindo, ariko urukino rurinda ruhera, yaba umurwi Olympic Star canke El Hilal Obeid ata n’umwe uronse igitsindo.
Mwomenya ko rubaye urukino rwa mbere mpuzamakungu rukiniwe ku kibuga co hagati mu gihugu, aho ni mu gihe ikibuga citiriweumuganwa Rudoviko RWAGASORE cahora cakira izo nkino, kiriko kirasubirwamwo.
Urukino rwo kur’uno wa gatatu, rwari rwatewe iteka n’umukuru w’igihugu Petero NKURUNZIZA.
MUGISHA Van Naris
