CAN 2017: Gabon yakiriye ihiganwa yasezeye idatsinze urukino na rumwe

Mu gihe igihugu ca Gabon arico cakiriye ihiganwa rya CAN 2017,umurwi nserukiragihugu wavuye mw’ihiganwa udashitse kure nkuko vyari vyitezwe n’abakunzi b’umupira w’amaguiru,kuko bakinira imbere y’abakunzi bawo.

Mu nkino za nyuma mu murwi Azabaye kuw’Imana igenekerezo rya 22 Nzero 2017, umurwi nserukiragihugu wa Gabon wategerezwa gutsinda kugira ubandanye ihiganwa,ariko ntivyashobotse kuko wanganije n’umurwi wa Cameroun ubusa ku bundi.

Inyuma y’urukino,igihugu ca Burkina Faso nicop caronse amahirwe yo kubandanya mu gice ca kane gishira ica nyuma,inyuma yo gutsinda umurwi wa Gunee Bissau ibitsindo bibiri ku busa.

Umurwi nserukiragihugu wa Burkina Faso ufise amanota atanu mu gihe umurwi wa Gabon uhejeje ufise amanota atatu mu nkino zitatu,kuko utigeze utsinda urukino na rumwe.