CAN 2017: Ni iyihe mirwi ihabwa amahirwe yo gutahukana igikombe?

Mu gihe bitegekanijwe ko kuri uno wa gatandatu igenekerezo rya 14 Nzero 2017 ariho hatangura ihiganwa rya CAN 2017 mu gihugu ca Gabon, abakunzi b’umupira w’amaguru baribaza uwuzotahukana ico gikombe.

Ihiganwa rya CAN 2017 rizomara iminsi 23,rihuze imirwi nserukira gihugu 16 yo ku mugabane wa Africa. Iki nico gikombe ca mbere gikomeye gitangwa mu rukino rw’umupira w’amaguru ku mugabane wa Afrika.

Vyari bitegekanijwe ko iryo higanwa ribera mu gihugu ca Libye, ariko kubera imvo z’umutekano,abategura iryo higanwa bashimye kuryungururiza mu gihugu ca Gabon,cari categuye iryo higanwa mu mwaka wa 2012.

Imirwi ihabwa amahirwe inyuma ya Cote d’Ivoire yaheruka gutahukana ico gikombe,ni Misiri, Algerie ,Senegal na Ghana.

Gabon yateguye izo nkino ni wo murwi uri mu kibanza c’inyuma mu rutonde rwa FIFA, ariko kuba arico gihugu catunganije iryo higanwa,bishobora gutuma gishika kure.