Accueil > Inkino > Amahiganwa > CECAFA 2017 : Uburundi buzohiganirwa ikibanza ca gatatu n’Ubuganda
CECAFA 2017 : Uburundi buzohiganirwa ikibanza ca gatatu n’Ubuganda
samedi 16 décembre 2017
Pierrot Kwizera, kizigenza w’Intamba mu Rugamba, amenyesha ko bazokina uko bashoboye kugira batahukane ikibanza ca gatatu, agasaba kandi abarundi kubashigikira.
Avuga ati « Iri higanwa twarikinye neza, Inkino zose twakinye twaritanze cane kandi twigenjeje neza, naho ku rukino rwa Kenya tutaronse amahigwe, twari twabarushije ariko niko bimeze haburana babiri hagatsinda umwe.Urukino rwo guharanira ikibanza ca gatatu turagwiteguriye kandi nta nkeka tuzorutsinda. »
Kizigenza w’umurwi Intamba mu Rugamba Pierrot KWIZERA aboneraho n’akaryo ko gusaba gusaba abarundi kubashigikira bakabafata mu mugongo hakuvuga amajambo abaca intege.
Urukino ruzohuza Uburundi n’igihugu c’Ubuganda mur’ico kibanza ca gatatu rukazokinwa kur’uyu w’Imana igenekerezo rya 17 Kigarama 2017,igihe c’isaha indwi.
Pacifique BUKURU
