Accueil > Inkino > Amahiganwa > CECAFA U17 : Umurwi nserukiragihugu w’Uburundi watsinzwe urukino rwa (...)
CECAFA U17 : Umurwi nserukiragihugu w’Uburundi watsinzwe urukino rwa mbere
lundi 16 avril 2018
Urukino rwahuje umurwi nserukiragihugu w’Uburundi w’abana batarenza imyaka 17 n’uwa Kenya, rwaheze umurwi wa Kenya utsinze umurwi w’Uburundi ibitsindo bine ku busa.
Muri urwo rukino, umurwi nserukiragihugu wa Kenya warerekanye ko abakinyi bawo bamenyereye amahiganwa, mu gihe abakinyi b’umurwi nserukiragihugu w’Uburundi, bakinye ariko biboneka ko batamenyereye amahiganwa.
Umumenyereza w’umurwi nserukiragihugu w’Uburundi w’abana batarenza imyaka 17, Vivien BAHATI, yemeje ko icatumye batsindwa, ari ukutamenyera amahiganwa mpuzamakungu, agereranije n’abakinyi b’umurwi nserukiragihugu wa Kenya.
Vivien BAHATI, amenyesha ko yiteguye kugira ico ahinduye mu nkino zikurikira.
MUGISHA Van Naris
