CHAN2018 : Umurwi nserukiragihugu w’Urwanda waronse intinzi ya mbere

Mu rukino rwabaye mw’ijoro ryo kur’uyu wa gatanu igenekerezo rya 19 Nzero 2018, umurwi nserukiragihugu w’Urwanda waronse intsinzi yawo ya mbere y’igitsindo kimwe ku busa.

Igitsindo kimwe c’umurwi nserukiragihugu w’Urwanda cinjijwe na Manzi Thiery ku munota wa 66, urukino ruca rurinda ruhera umurwi wa Guinée Equatoriale udashoboye kukigombora.

Inyuma y’iyo ntsinzi,umurwi nserukiragihugu w’Urwanda uciye ukwiza amanota ane, kuko mu rukino rwawo rwa mbere wari wanganije n’igihugu ca Nijeriya ubusa ku bundi.