CHAN2018 : Uwundi murwi ukomeye watsinzwe mu rukino rwa mbere

Igihugu ca Cameroun, gisanzwe kimenyerewe mu bihangange vy’umupira w’amaguru ku mugabane wa Afrika, catangajwe no gutsindwa n’igihugu ca Kongo kuri penariti yatewe ku munota wa 72, bica bituma Kongo ifata ikibanza ca mbere ku rutonde nfatakibanza mu murwi D.

Urukino rwahuje iyo mirwi, Cameroun yarekanye ko isumvya cane Kongo, naho amahirwe atababanye umurengera.Ku munota wa 29, Moukoko Moussombo, akina hagati, yateye umupira ukomeye mw’igori rya Kongo ariko biba impfagusa.

Naho umurwi nserukiragihugu wa Cameroun waronse amahirwe menshi yo kuronka ibitsindo, ntiwahavuye uronka ibitsindo, kuko urukino rwaheze urushijwe n’umurwi nserukiragihugu wa Kongo.

Izindi nkino zimaze gukinwa zikaba zagenze uku gukurikira :

Maroc - Mauritanie 4-0
Guinée - Soudan 1-2
Côte d’Ivoire - Namibie 0-1
Zambie - Ouganda 3-1
Libye - Guinée équatoriale 3-0
Nigeria - Rwanda 0-0