Cibitoke : Abafatanwe inkoho baciriwe umunyororo w’ubuzima bwabo bwose

Muri urwo rubanza, abagirijwe ico caha biyemereye imbere ya Sentare ko bari batunze iyo nkoho, ariko bakaba bahakanye ko bayikoresha mu kwica abantu.

Sentare yo mu ntara ya Cibitoke yari yabumvirije kuri uwu wa kane bagifatwa, ariko urubanza rwabo ntirwacibwa ikibiriraho, kuko abacamanza bari bamenyesheje ko bagiye kubandanya amatohoza kugira bamenye ico iyo nkoho yafatanwe abo bagabo yahora ikoreshwa.

Abahanishijwe umunyororo w’ubuzima bwabo bwose, bagirijwe ico caha c’ugutunga inkoho hamwe n’ukugandagura abantu, ni MIBURO Jackson, NSABIMANA Jean Marie hamwe na BAYISENGE Edmond bose muri komine Murwi mu ntara ya Cibitoke.