Cibitoke-Mugina:Umugabo yishwe n’abantu bataramenyekana

Amakuru dukesha ababanyi b’uwo yitavye Imana, amenyesha ko Juma Habonimana yitavye Imana inyuma yo gukubitwa ikintu mu mutwe.

Mu gipolisi mu ntara ya Cibitoke, bamenyesha ko inyuma y’urupfu rwa Juma Habonimana hashobora kuba hinyegeje indyane z’amatongo,kuko yari asanzwe arindiriye ko urubanza rujanye n’itongo yatsinze muri sentare rushirwa mu ngiro.

Mu gipolisi bavuga ko amatohoza yamaze gutangura, kugira bashobore kumenya abakoze ubwo bwicanyi.

Aho mu Cibitoke nyene, mw’ijoro ryo kw’Imana igenekerezo rya 18 Ruheshi 2017, uwundi muntu yakomerekejwe na gerenade yatewe mu bunywero muri komine Murwi.