Côte d’Ivoire : Simone Gbagbo yambitswe izera

Sentare yo muri Côte d’Ivoire yambitse izera Simone Gbagbo, umugore wa Laurent Gbagbo yahoze ari umukuru w’ico gihugu, ubu akaba ariko aburanishirizwa muri sentare mpuzamakungu mpanavyaha y’i La Haye mu gihugu c’Ubuhorande.

Simone Gbagbo yagirizwa ko yashigikiye umugabo wiwe mu kugumura abari bamushigikiye, bakica abatavuga rumwe nawe.

Simone Gbagbo, umutambukanyi wa Laurent Gbagbo

Uwo mutambukanyi w’uwahoze ari umukuru w’igihugu yari yasabiwe ko yopfungwa ubuzima bwiwe bwose, yagirizwa ihohoterwa rya kiremwa muntu, ivyaha vyo mu ntambara, gufata ku nguvu, hamwe n’ukubangamira umutekano w’igihugu.

Sentare yamenyesheje kuri uwu wa kabiri ko ivyo vyaha bitamwagiriye, asabirwa kurekurwa.