EAC: Kuva mu mwaka wa 2024 ibihugu bizokoresha ifaranga rimwe

Kuva mu mwaka wa 2024, ishirahamwe ry’akarere ka Afrika y’Ubuseruko rizoba ritanguye gukoresha ifaranga rimwe rizofasha ibihugu vy’akarere ka Afrika y’Ubuseruko gukora urudandazwa no guteza imbere ubutunzi bw’akarere .

Mw’itangazo ry’ubunyamabanga bukuru bw’akarere ka Afrika y’Ubuseruko, bumenyesha ko ibanki nkuru y’ishirahamwe ry’akarere ka Afrika y’Ubuseruko izoshirwaho mu ntumbero yo guhuriza hamwe ibijanye n’ubutunzi mu karere ka Afrika y’Ubuseruko.

Ikinyamakuru Daily News canditse ko iyo ngingo yo gushing ifaranga rimwe rikoreshwa mu karere ka Afrika y’Ubuseruko iri mu zizokwigwa mu nama yiga ivyo ubutunzi hamwe n’inama igira 35 izohuza abashikiranganji bajejwe akarere ka Afrika y’Ubuseruko ku magenekrezo ya 30 Werurwe kugeza kuwa 4 Mata 2017.

Hamwe uwo mugambwi woja mu ngiro, bitegekanijwe ko iyo banki y’akarere ka Afrika y’Ubuseruko izokwubakwa mu gisagara ca Arusha, mu gihugu ca Tanzaniya kandi ikorere aho nyene.