Accueil > Amakuru > Mu makungu > Firipine : Abantu 32 bishwe, 100 barafatwa mu gikorwa co kugwanya (...)
Firipine : Abantu 32 bishwe, 100 barafatwa mu gikorwa co kugwanya ibiyayuramutwe
mercredi 16 Myandagaro 2017
Iryo sekeza ryamaze amasaha 24, kikaba catanguye isaha zitandatu z’ijoro gishika isaha zitandatu z’ijoro nyene.Amakuru ava mur’ico gihugu ashikiriza ko iryo sekeza ryakozwemwo n’ibitero 20 mu bice vy’iyo ntara ya Bulacan, nkuko amakuru yo mu gihugu abishikiriza.
Igiporisi caho muri Firipine kimenyesha ko ico gikorwa camaze amasaha 24 kandi ko abapfuye ari abafise uruhara mu bikorwa bibujijwe n’amategeko bijanye n’ibiyayura mutwe.
Igiporisi kivuga kandi ko abo bantu bapfuye bari bitwaje ibirwanisho bashaka guhangana n’abajejwe umutekano,aho abantu barenga 100 bafashwe hongera hafatwa kandi ibiyayuramutwe hamwe n’ibigwanisho .
Ico gikorwa co kurandurana n’imizi urudandazwa rw’ibiyayuramutwe catumye amakungu asemerera kuko ivyo bikorwa bimaze guhitana ubuzima bw’abantu benshi.
Mwomenya ko abantu baharurwa mu bihumbi, aribo bamaze kwicwa kuva aho umukuru w’igihugu Rodrigo Duterte atanguje umugambi wo kurwanya ibijanye n’ibiyayura mutwe mu mwaka uheze wa 2016.
Vianney BIKORIMANA
