Accueil > Kwidagadura > umucuraranzi > Fariouz > inkuru > Fizzo agiye kuzokwama aboneka muri karaoke
Fizzo agiye kuzokwama aboneka muri karaoke
mercredi 9 Myandagaro 2017
Mu mpera z’indwi iza, kw’igenekerezo rya 19 Myandagaro, Bantu Bwoy azoba ari guteramisha abanya Kinyinya mu ntara ya Kirundo, kuva igihe c’isaha umunani gushika icumi na zibiri z’ijoro. Muri ico giteramo, azofadikanya na Bidondo hamwe na Cypro Light hamwe n’iyindi mirwi itandukanye y’abatamvyi.
Iyindi nkuru n’uko Fizzo agiye kuzokwama ateramisha abakunzi biwe muri Karaoke muri Bamboula. Ivyo azobikorana n’umurwi wiwe w’abatamvyi bivugwa ko uzokwitwa 257 Band. Ivyo bizokwama biba ku minsi yose ya gatandatu.
Tubibutse ko Fizzo yaheruka kuboneka mu giteramo ca Dunda na BujaFm, azoba kandi ari mu giteramo co gusozera ihiganwa rya RTNB, azoba ari kw’igenekerezo rya 26 Myandagaro.
Cherif Nkeshimana
