France: Francois Fillon agiye gutangura kugirwako amatohoza

Abashikirizamanza mu gihugu c’Ubufaransa bamenyesha ko hari amatohoza agiye gutangura kuri Francois Fillon azokwitoza mu matora y’umukuru w’igihugu, yagirizwa ko yanyuruje ubutunzi bw’igihugu.

Francois Fillon yagirizwa ko hari amafaranga aharurwa mu bihumbi vy’amafaranga y’abanyaburaya yarishe umuryango wiwe avuga ko hari akazi bakoze, kandi ako kazi katigeze gakorwa.

Francois Fillon amenyesha ko ata kintu kibi yakoze ariko akaba yavuze mu minsi iheze ko mu gihe hoba hari amatohoza agiye gukorwa kuri we,yova mw’ihiganwa ryo kwitoza mu kibanza c’umukuru w’igihugu ritegekanijwe mu kwezi kwa Ndamukiza na Rusama.

Gushika mu minsi iheze, niwe yaza imbere mu biharuro imbere ya Marine Le Pen na Emmanuel Macron.