Gambia: Umukuru w’ibiro bikuru vy’intwaramiheto yashigikiye Yahya Jammeh

Umukuru w’ibiro bikuru vya gisirikare mu gihugu ca Gambia Gen Ousman Badjie yamenyesheje ko ashigikiye umukuru w’igihugu Yahya Jammeh aheruka gutsindwa amatora y’umukuru w’igihugu.

Mu butumwa bwo kwipfuriza umwaka mushasha Yahya Jammeh, Gen Ousman Badjie yamenyesheje ko igisirikare ca Gambia gishigikiye Yahya Jammeh.

Naho Adama Barrow yatsinze amatora nkuko vyashikirijwe n’umurwi utegura amatora,yarondeye Gen Ousman Badjie ngo amushigikire, si irya mbere uwo mu general yerekanye ko ashigikiye Yahya Jammeh.

Naho biri ukwo, ishirahamwe ry’ibihugu vyo mu karere k’Uburengero bwa Afrika vyaramze kumenyesha ko vyanse ku neza, bishobora gukoresha inguvu za gisirikare mu gukura Yahya Jammeh ku butegetsi.