Gitega: Abahawe ibibanza i Zege basabwe kwubaka inzu z’amagorofa

Abanyagihugu bahawe ibibanza vyo kwubakamwo i Zege mu gisagara ca Gitega basabwe n’ubuyobozi bwo gutunganaya ibisagara n’uburaro mu karere ko hagati no mu buseruko kwubaka amazu agerekeranye muri ico kibanza.

Nkuko biri mw’itangazo ryateweko umukono na Ing Aime IRAMBONA, umuyobozi w’igisata kijejwe gutunganya ibisgara n’uburaro mu karere ko hagati n’ubuseruko, ni mu ntumbero yo guha igisagara ca Gitega ishusho nziza y’umurwa mukuru muvyo intwaro.

Iryo tangazo rimenyesha ko iyo ngingo iraba gusa ibibanza bitari bwubakwemwo kuva umunsi iyo ngigno ifatiweko.

Iryo tangazo rigasaba kandi n’abari bamaze kuronka uruhusha rwo kwubaka batari bwubake guhindura ibicapu vy’inzu bazokwubaka kugira baronke urundi ruhusha.