Gitega: Abayoboke 4 b’umushingamateka Agathon RWASA binjijwe ibohero rikuru

Abo bashikanywe mw’ibohero rikuru rya Gitega ni NZAMBIMANA Edouard, NDUWARUGIRA Jean Paul, MANIRAMBONA Maurice hamwe na NDUWAYEZU Alain batazira Laine bose bava ku mutumba Bwoga uri muri Komine n’intara ya Gitega.

Amakuru ava mu burongzi bw’umugambwe FNL urongowe na Agathon RWASA aho mu ntara ya Gitega, amenyesha ko uko ari bane bose bava ku mutumba wa Bwoga, uri muri komine n’intara ya Gitega.

Ukwo ari bane bayoboka umushingamateka Agathon RWASA bari bafashwe n’igipolisi bagirizwa kuba bari mu murwi ugira imitego mw’ijoro,igasahura abantu.

Mu burongozi bw’umugambwe FNL urongowe n’umushingamateka Agathon RWASA mu ntara ya Gitega, bamenyesha ko abanywanyi babo ata kindi bariko barazira atari ivyiyumviro vya politike, bagasaba ubutungane gukora bidegemvya kugira ababo barekurwe.