Habonetse igitigiri gito c’abiyandikisha ku munsi wa mbere

Nk’isaha umunani n’igice, ikinyamakuru IGIHE caciye muri komine ya Mukaza, kw’ishuri ryisumbuye Centre Islamique ryo muri zone ya Rohero, kikaba casanze abariko bariyandikisha ari bake, kuko abari barindiriye bari icenda gusa.

Uwujejwe gukurikirana uko ibikorwa vyo kwiyandikisha muri ako gace, yabwiye ikinyamakuru IGIHE , ko kuba hari abaza kwiyandikisha bake, bishobora kuba biva kuri kamere k’abarundi, aho bibuka ibikorwa mu munsi ya nyuma.

Igikorwa co kwiyandikisha ku bazokwemeza canke bahakane ibwirizwa nshingiro kikaba kizorangira kw’igenekerezo rya 17 Ruhuhuma 2018.