Ikoh yasohoye amajwi y’ururirimbo "Mfura ya Mama"

Umuririmvyi azwi kw’izina rya Marembo ni umurundi ariko yakuriye muri Reta Zunze Ubumwe za Amerika. Amakuru dukura muri Ikoh Multiservice avuga ko inyuma yaho uwo Marembo arondereye Amir Pro (umuhinyanyuzi wo muri Ikoh) kugira amukorere amajwi y’ururirimbo "Mfura ya Mama", abarongozi ba Ikoh baciye bemera kumufasha kuyimenyekanisha.

Ikoriciza Haruna ati : "Maze kwumva urwo ruririmbo, rwarandyoheye cane. Ikindi cantangaje n’uko urya muririmvyi yaririmvye mu Kirundi ciza kandi yavukiye muri Reta Zunze Ubumwe za Amerika." Arongera ati : "Ko yashimye kuyikorera mu Burundi na cane cane muri Ikoh, twaciye tuyimukorera, twongera tumufasha kuyimenyekanisha mu bimenyeshamakuru vyo mu Burundi, kanatsinda guteza imbere abaririmvyi n’ico civugo cacu".

Ururirimbo "Mfura ya Mama" rwakozwe n’umuhinyanyuzi Amir Pro,asanzwe akorana na Ikoh Multiservice.