Imirwi ibiri niyo isigaye mw’ihiganwa ry’igikombe citiriwe umukuru w’igihugu

Urukino rw’igice ca kabiri gushira ica nyuma rwabaye kuri uwu gatandatu mu ntara ya Gitega nyene, umurwi wa Messager Ngozi watanye mu mitwe na Athletico Olympique. Muri urwo rukino, Messager Ngozi yinjije ibitsindo bitatu kuri kimwe ca Athletico Olympique.

Imirwi ya Messager Ngozi hamwe na Olympique Star y’i Muyinga niyo izoca ihura mu gice ca nyuma c’ihiganwa ry’igikombe citiriwe umukuru w’igihugu Petero NKURUNZIZA.

Urukino rwa nyuma rw’ihiganwa ry’igikombe c’umukuru w’umukuru w’igihugu ruzoba kw’igenekerezo rya 8 Mukakaro 2017, mu ntara ya Muyinga.