Inama nkenguzamateka yemeje umurwi mushasha w’abantu 7 ujejwe gutunganya amatora

Abari muruyo murwi mushasha ujejwe gutunganya amatora batanzwe kugira bemezwe muriyo nama nkenguzamateka ni Annociate NIYONKURU w’umututsikazi,Jean Anastase HICUBURUNDI umuhutu avuka mu gisagara ca Bujumbura,Hyacinthe NIYONZIMA umututsikazi wo mu ntara ya Kayanza,Serges NDAYIRAGIJE umututsi,Muganga Pierre Claver KAZIHISE umuhutu wo mu ntara ya Mwaro,Philippe NZOBONARIBA w’umuhutu hamwe na Maggy KAMANA umuhutukazi wo mu ntara ya Bubanza.

Abo bose uko ari 7 bemejwe ijana kw’ijana n’abakenguzamateka 34 bari bitavye ico gikorwa hamwe na 5 bari batumye.

Uwo murwi mushasha ujejwe gutunganya amatora CENI ugiye kugirwa n’abahutu 4 abatutsi 3 bose bagizwe n’abagabo 4 hamwe n’abagore 3.