Reta iriko iriga ishirwaho rw’ihinguriro rikora amatara akoresha umuyagankuba muke

Inama nshikiranganji y’Uburundi yakoranye kuva kuri uwu wa gatatu, irongowe n’umukuru w’igihugu Petero NKURUNZIZA. Integuro z’amategeko icenda nizo zitegekanijwe kwigwa muri iyo nama izosozerwa kuri uwu wa kane.

Muri izo nteguro, harimwo iyijanye n’impinduka zokorwa mw’ishirahamwe REGIDESO, integuro y’itegeko rijanye n’ishirwaho rw’ihinguriro rikora amatara akoresha umuyagankuba muke, integuro y’itegeko rijanye n’ishirwaho ry’umurwi w’igihugu ujejwe itunganwa ry’ibikorwa bijanye n’iterambere ry’abanyagihugu mu Burundi, hamwe integuro ijanye na poritike y’igihugu ikurikirana urwaruka (kuva mu mwaka w’2016 gushika mu mwaka w’2020).

Ivyavuye muri iyo nama nshikiranganji ni mu makuru yacu yo hanyuma.