Indirimbo 10 za mbere muri "Isanganiro Awards" zatowe

Nk’uko vyama bigenda, muri izo cumi hazotorwamwo imwe izotwara agashimwe k’iyi ncuro ya gatandatu y’ihiganwa. Mu giteramo c’ugutora iyo ndirimbo, niho umurwi wateguye iryo higanwa uheza ugashikiriza ku mugaragaro agashimwe umuririmvyi wa mbere w’umwaka.

Kuri iyi ncuro ya gatandatu y’ihiganwa, habonekamwo ibihangange vy’abaririmvyi bari basanzwe bazwi cane mu muziki, aha tukavuga umurwi wa Peace and Love ufisemwo indirimbo zibiri, Natacha na B-Face. Biboneka ko atari igikorwa coroshe ku murwi kugira utature abo baririmvyi.

Tubibutse ko incuro ya gatanu y’Isanganiro Awards yatsindiwe naSpok’s. Abandi bamaze gutsinda iryo higanwa ni : Rally Joe, Yoya, Mkombozi na N John Melodica.