Accueil > Amakuru > Poritike > "Inyishu y’ibibazo vya poritike y’Uburundi iri mw’iyubahirizwa ry’amasezerano (...)
"Inyishu y’ibibazo vya poritike y’Uburundi iri mw’iyubahirizwa ry’amasezerano y’i Arusha"
mardi 29 Myandagaro 2017, par
Mw’itangazo rwasohowe n’urunani CNARED, bibuka imyaka 17 iheze amasezerano y’i Arusha ateweko umukono, Karori NDITIJE arongoye urwo runani avuga ko intureka za poritike Uburundi burimwo kuva mu mwaka w’2015 zatewe n’ikiringo ca gatatu ca Petero NKURUNZIZA, muri urwo runani bakavuga ko izo ntureka zidateze guhera, kubera umugambi wa Reta y’Uburundi w’uguhindura ibwirizwa shingiro.
Muri CNARED bavuga kandi ko n’inzira y’ibiganiro yari yatangujwe n’abakuru b’ibihugu vya Afrika y’ubuseruko ataco yashoboye gushikako, bitewe n’ubutegetsi bw’i Bujumbura butemeye kwicarana n’abo batavuga rumwe.
- Karori NDITIJE, umukuru w’urunani CNARED
Karori NDITIJE arongoye CNARED asaba abakuru b’ibihugu bo mu karere Uburundi buherereyemwo basanzwe barakurikiranye ivy’amasezerano y’i Arusha, ko bogondoza umukuru w’igihugu Petero NKURUNZIZA akavavanura n’ingingo y’uguhindura ibwirizwa shingiro. Mu gihe ubutegetsi bw’Uburundi bwokwanka naho, CNARED isaba ko ibihano vyofatwa. Sentare mpuzamakungu mpanavyaha nayo isabwa kubandanya amatohoza yatanguje ku vyaha vyakozwe kuva kw’igenekerezo rya 25 Ndamukiza 2015, kugira ababikoze babibazwe imbere y’ubutungane.
Egide NDUWIMANA
Messages
29 Myandagaro 2017, 10:25, par Masabo
naho Muvuga Uyomugabo Aragoye Nimugerageze Murabe
29 Myandagaro 2017, 13:45, par kad
barabahenze ahubwo sentare mpuzamakungu izotanguze amatohoza ihere1965,1972,1988,1993,1996...gushika ubunyene
29 Myandagaro 2017, 13:47, par KADANGI MABROUK
barabahenze murashaka mwishikane
29 Myandagaro 2017, 22:23, par Kanyami
Mbe Nditije ntiwosubira kuri université aho upfa wangara. Baraguhenze. Kanura ubone.
30 Myandagaro 2017, 19:45, par Fernandez
Aba ni ba Ngeze muri 1993, abantu nkaba nikubacakira bakishura kumabi basize bakoze,
31 Myandagaro 2017, 06:29, par Ntakirutimana John
Jewe murantangaza iyonumva muriko muravuga rwibihugu bigize afrika ngo bigondoze nkurunziza petero!, birya bihugu vyarananiwe ntacobizigera bishikako nagatoya.
Mwebwe abanyepororitike mutahinduye umukenyuro wundi, hagakoreshwa ubuhinga buhanitse bwokumurwanya bwagisirikare, ntamusi azigera yemera ibiganiro.
mwebwe mwishinga kuvuga ibiganiro, nawe akaba mukwitegura mukwigisha imbonerakure zizokora ihonyabwoko!,
namwe muriko muteguriki?
hari hasigaye aho muva mumajambo yibiyage, mugakorikintu twebwe abanyagihugu coshobora kudushimisha,
Bitaruko twese azotumara hasigare imisaka.