Irak : Igisagara ca Bashiqa cafashwe n’aba Kurdes

Abasirikare b’abakurude binjiye mu gisagara ca Bashiqa kigenzurwa n’abarwanyi biyitira aba Reta ya kiyisilamu, mu buseruko bwa Mosul.

Abarwanyi b’aba Peshmerga baharurwa mu majana, bafashijwe n’indege z’inteko mpuzamakungu, ziyobowe n’abanyamerika, binjiriye ahantu hatatu mu gisagara ca Bashiqa.

Amakuru ava muri ako karere avuga ko batanguye barasa ibisasu bikomakomeye, hamwe n’ibisasu vyo mu kirere, abasirikare baca barinjira, nk’uko BBC ibivuga.

Ingabo z’abakurude zari zimaze iminsi myinshi zifatiye ico gisagara ca Bashiqa.

Ico gitero kiri mu mugambi ugamije kwirukana abarwanyi ba Islamic State, mu gisagara ca Mosul, hamwe n’uturere twegereye ico gisagara.