Isirayeri : Sentare yahagaritse umugambi wa Reta wo kwirukana abimukira

Amakuru dukesha uruga rw’iradiyo y’abongereza BBC, amenyesha ko umurwi w’abimukira bavuye mu bihugu vya Eritreya na Sudani aribo bashikanye ikirego muri sentare.

Sentare yategetse Reta kuzana izindi nsiguro ku mugambi wayo wo kubwiriza abo bimukira kuba bagiye uku kwezi nikwahera, canke bagapfungwa bakazonirukanwa ku nguvu.

Igihugu ca Isirayeli ciyemeje gutanga amatike y’indege ya gusa hamwe n’ibihumbi bitatu vy’amadorare y’abanyamerika, kuri umwe wese yemeye kuva muri ico gihugu.

Umushikiranganji wa mbere wa Isiraheli, Benjamin Netanyahu, avuga ko izo mpunzi ari nk’abasomyi b’urusaku.