Israel : Abantu 3 bapfuye, umwe arakomereka mu gitero

Amakuru atangwa n’igiporisi ca Isirayeri amenyesha ko uwo munyaparesitina yava ahitwa Beit Surik hafi yo mu micungararo ya Har Adar, akaba yarashe igihe yari yinjiye muri ako gace, ari kumwe n’abandi banyeparesitina bakorera muri ako gace. Ahejeje kurasa nawe yaciye araswa ubwo nyene.

Ibiro bijejwe umutekano mu gihugu ca Isirayeri bimenyesha ko uyo munyaperesitina yari mu bashika ibihumbi 36 bafise impusha zo gukora mu turere abayahudi bigaruriye hasanzwe hacungerewe cane n’abajejwe umutekano.

Nta mugwi uriyitirira ico gitero, ariko imihari imwimwe y’Abanyeparesitina nka Gaza, Hamas hamwe na Islam Jihad yakiriye neza inkuru z’ico gitero.

Tubibutse ko ko Abanyeparesitina hamwe n’abarabu b’abanyisirayeri baguma bakora ibitero ku banyisirayeri kuva aho ico gihugu cigaruriye uduce tumwe twa Paresitina.