Ubudagi: Itegeko ryemerera abipfuza kubana basangiye ibitsina ryemejwe

Inkuru ziva aho mu gihugu c’Ubudagi zivuga ko iryo tegeko ryemejwe rigiye gutanga uburenganzira ku bagabo n’abagore bakundana basangiye ibitsina ko bashobora kwubakana, bakarera n’abana bashobora no kurera abana batavyaye (adoption).

Abashingamateka bava mu migambwe itavuga rumwe na Angella Merkel bemeje bivuye inyuma iryo tegeko.

Mwomenya ko iyo ngingo yashigikiwe n’abashingamateka bashika ku 393, mu gihe abashika ku 226 bayihakanye, bane nabo ntibagize ico bayivugako.