Accueil > Kwidagadura > umucuraranzi > Jadix mu ruririmbo rushasha asaba abakundana kutijajara
Jadix mu ruririmbo rushasha asaba abakundana kutijajara
mercredi 18 Gitugutu 2017, par
Inyuma y’akazi gakomeye kakozwe n’umuririmvyi Jadix n’umuhinyanyuzi Masterland, hasohotse ururirimbo "Ndababara". Jadix ati : "Masterland namutoye nk’umuhinyanyuzi afise "touch" nziza kandi amaze iminsi akora ibikora inka."
Ubutumwa bw’ururirimbo bwerekeye abari mu rukundo, aho uwo muririmvyi ababwira ko batokwijajara kuko hahebana abakundana. Ivyo ni ibivugwa na Jadix inyuma yo gusohora urwo ruririmbo.
Uwo muririmvyi ariko amenyekana mu muziki w’Uburundi asaba ko uwo wese afise uruhara mw’iterambere ry’umuziki ko yokora ibishoboka vyose kugira abaririmvyi b’Uburundi batungwe n’akazi kabo. Ako kamo kandi agetera na Reta y’Uburundi.
Tubibutse ko, "Ndababara" rusohotse inyuma ya "Kisa Konzi" rwari rumaze ikiringo c’amezi abiri n’iminsi rusohotse.
Umviriza aha munsi "Ndababara" rwa Jadix
Cherif NKESHIMANA
